膽大大

作詞：葉鈺渟 作曲：葉鈺渟

𠊎个屋下有四儕細人仔  𠊎係最大个

已經長大成人 準備畢業去做事

毋過人生有兜時節 就像落水天

𠊎也會驚驚會分人騙 就來去尋𠊎个阿爸阿姆（口白：不過，佢兜講）

細人仔 你要膽大大 來去看看這世界

細人仔  你要膽大大 因為這係你个人生

𠊎个屋下剩三儕細人仔  還在讀書吂去做事

有時搞怪      有時盡乖      𠊎想想也亦可愛

毋過人生就像船个航線  風吹來就有改變

𠊎也會愁弟弟妹妹个人生 還有𠊎心愛个阿爸阿姆

（口白：不過，佢兜講） 

細人仔  你要膽大大 所有个煩惱先放一邊

細人仔  你要膽大大 𠊎要看你笑容滿面

𠊎爺哀佢 兜講 你係心肝寶貝 毋使驚你一定

會像紙鷂      會像紙鷂飛上天

細人仔 你要膽大大 來去看看這世界

細人仔  你要膽大大 因為這係你个人生

細人仔  你要膽大大 所有个煩惱先放一邊

細人仔  你要膽大大 𠊎要看你笑容滿面

細人仔  你要膽大大 你係暗晡最光个星