作詞:劉榮昌、陳永淘
作曲:劉榮昌、陳永淘
編曲:蘇通達

歌詞:

承蒙你 感謝你 恁仔細 還吂講出嘴
承蒙你 感謝你 你惜𠊎 𠊎全部記得

記得無 你牽𠊎个手 記得無 你帶𠊎摘花
記得無 熱天个下晝 帶𠊎搞水 覓蜆仔

𠊎看到 你面皮緊皺 𠊎看到 你額頭汗珠
𠊎看到 烏色个頭那毛 毋知分 麼儕偷去了

謝謝你給我一個家
謝謝你讓我不害怕 (讓我更堅強)
謝謝你陪我平安長大 (來到我的身旁)
謝謝你爸爸和媽媽 (我的孩子啊)
謝謝你 我的天使

還記得 𠊎牽你个手 還記得 𠊎帶你摘花
還記得 熱天个下晝 共下搞水 覓蜆兒

𠊎看到 你面容幼秀 𠊎看到 你大大目珠
𠊎看到 嬰兒仔學行路 一眨目 牽𠊎行共路

還記得 還記得 還記得妳
還記得 還記得 還記得妳

頭擺个妳 毛辮長長
頭擺个妳 愛看人撮把戲
頭擺个妳 愛蹶圍牆
頭擺个妳 會摘花送分人

還記得 還記得 還記得妳
還記得 還記得 還記得妳

頭擺个妳 家鄉的妳
頭擺个妳 想跈人做大戲
頭擺个妳 佇禾埕看大雨
頭擺个妳 想遠走高飛


還記得 還記得 還記得妳
還記得 還記得 還記得妳

頭擺个妳 赤腳个妳 頭擺个妳 愛笑个妳
頭擺个妳 唱歌个妳 頭擺个妳 快樂个妳

還記得 還記得 還記得妳
靚靚的妳 幾時嫁分人