【客語版】

客家委員會17號在屏東六堆客家文化園區隆重舉辦「114年度客語家庭表揚典禮」南區場次，由主任委員古秀妃親身一一同現場70戶會200儕个客語家庭成員感謝，同時鼓勵大家在屋下乜緊講客，因為學習母語係最珍貴个無形資產，乜係蓋好个投資也無需要補習，屋下个阿公、阿婆、阿爸、阿姆都係先生，係講無大家煞猛傳承，就無今晡日个盛會。

古主委乜講著，客委會會在下半年發行客家幣，客語家庭成員係加勢愛獎勵个對象之一，逐儕人都做得領1,000銀个數位幣，單淨透過簡單設定就用得；第二個對象係今年通過客語認證个人；第三係針對18-49歲民眾，採登記抽籤制有著獎个人。

客家幣將來做得在全台各縣市貼有「亻厓講客」貼紙个商店使用，古主委乜提醒，大家記得愛同店頭家講客買菜、買零嗒，生活地方个講客意識。目前全台既經有大約800間店仔參加，誠心邀請各縣市政府遽遽來申請、共襄盛舉。

今日表揚典禮由客家八音團、阿緱囝仔人聲樂團、屏東客家樂舞團連續登台，另外屏東縣政府客家事務處處長李明宗、客委會客家文化發展中心主任何金樑乜出席典禮，同現場70戶客語家庭聚總共下，其中乜有蓋多三代同堂，甚至有一戶有10儕人恁大棚个家庭來到現場，又鬧熱又有心，未來北區場次乜會在6月7號在苗栗台灣客家文化館舉行。

對客委會推動「客語家庭」表揚以來，全國既經超過4,000戶家庭接受表揚，客語在家庭、社區還有整體社會持續探根復甦。雖然大家係對全台各個地區來个，係背景無共樣个成員，毋過都選用自家个母語—客家話，陪下一代成長，使致客話毋單淨係語言，還過係家庭个情感連結同文化記憶。

-------------------------------------

【華語版】

客家委員會今（17）日在屏東六堆客家文化園區隆重舉辦「114年度客語家庭表揚典禮」南區場次，由主任委員古秀妃親自一一致謝現場70戶近200位客語家庭成員，同時勉勵大家在家持續講客，因為學習母語是最無形珍貴的資產，也是很好的投資且不需要補習，家中阿公、阿婆、阿爸、阿姆都是老師，若沒有大家努力傳承，就沒有今天的盛會。

古主委也提及，客委會將於下半年發行客家幣，客語家庭成員是加碼獎勵的對象之一，每人皆能領取1,000元數位幣，只需透過簡單綁定就能使用；第二個對象為今年通過客語認證者；第三則是針對18-49歲民眾，採登記抽籤制之中獎者。

客家幣將能於全台各縣市貼有「亻厓講客」貼紙的商店使用，古主委也提醒，大家記得要和店頭家講客買菜、買零食，活絡地方的講客意識。目前全台已有約800間店家參與，更誠摯邀請各縣市政府遽遽來申請、共襄盛舉。

今日表揚典禮由客家八音團、阿緱囝仔人聲樂團、屏東客家樂舞團接棒登台，另屏東縣政府客家事務處處長李明宗、客委會客家文化發展中心主任何金樑也出席蒞臨，與現場70戶客語家庭共下齊聚，其中不乏三代同堂，甚至有一戶多達10人的大家庭來到現場，相當熱鬧踴躍，未來北區場次也將於6月7日在苗栗台灣客家文化館舉行。

自客委會推動「客語家庭」表揚以來，全國已超過4,000戶家庭接受表揚，客語在家庭、社區以及整體社會持續扎根復甦。雖然大家是來自全台不同地區、彼此背景各異的成員，但卻共同選擇以自己的母語—客家話，陪伴下一代成長，讓客語不只是語言，更成為家庭的情感連結與文化記憶。