【客語版】

分人無胚著个最狂陣容，黏時愛「唱客」分你聽！客家委員會主任委員古秀妃今（20）號去到台北隱世餐酒館，出席「《歸心》演唱會賣票記者會」，邀請民眾3月15號共下來高雄流行音樂中心，聽彭佳慧（Julia）、陳嘉樺（Ella）、王若琳（Joanna）摎林生祥4組最強大腳士帶來「無共樣」个客語音樂表演，希望分還較多人做得接近客語、中意客家音樂摎文化。

古主委表示，舊（113）年客委會第一擺摎無共樣風格个人合作推出个「H³ RIZZ UP演唱會」，邀請著歌手田馥甄、江美琪過林曉培在臺北流行音樂中心用華客雙語演唱，得著熱情反應，毋單淨恁樣，當多南部鄉親要求，希望做得來南部舉辦，所以，客委會今年毋單淨摎高雄市政府合作，在高雄流行音樂中心舉辦《歸心》演唱會，還特別邀請著4個華客語樂壇最出名个歌手登臺表演。未來，客委會乜會進一步規劃在其他縣市舉辦客家流行音樂个表演，分全臺各地都做得看著客家音樂靚个一面。

今晡日受著邀請來參加記者會个高雄市政府客家事務委員會主任委員楊瑞霞表示，當榮幸代表高雄市長陳其邁來參加這場活動，相信參加這場演唱會个朋友「五感」都會摎客家音樂戀愛，所以大家一定愛去買票，因為買票毋單淨係對音樂个愛惜，乜係對客家文化支持个表現，感謝客委會透過多樣个音樂平台，分還較多人了解客家文化摎客家音樂特有个餳人力量，分客家文化在現下个社會裡肚創造、傳承還過融合新个生命力。

對高雄美濃客家庄來个歌手林生祥就在記者會裡肚為大家帶來精彩个歌曲表演──「南方」，佢強調，「因為這擺演唱會主題係《歸心》，所以到時會摎大家帶來有關自家家鄉个曲目，摎大家分享家鄉个大山大河、食物這兜」。共樣出席活動个還有歌手Joanna王若琳，摎大家帶來佢為著客語時代劇《茶金》演唱个插曲──「You’re Breaking My Heart」，現場觀眾做下聽到沉迷在裡肚。王若琳講，當初自家唱《茶金》歌曲時節，花當大个功夫學習客語，因為愛挱到正板个客語發音無恁該，當期待，乜當歡喜這擺做得跈等當湛斗个先生、歌手恁多儕，帶來親切、溫暖个表演。

《歸心》演唱會係客委會委託光榮得著2屆金曲獎最佳客語歌手獎个羅文裕來進行計劃。羅文裕提著，演唱會會有當多你無胚著个歌曲融合在華語、客語裡肚，因為音樂愛用著盡多種專業，包括樂曲曲風、舞台、燈光、音響，樂手先生个安排，通棚都愛用心設計，《歸心》乜表現城市肚離開家鄉个人回鄉，用音樂摎家鄉對話，尋轉最初心个想望，其中Ella陳嘉樺摎彭佳慧堵好斯係對屏東麟洛來个客家人，「對麟洛來个2個靚細阿妹仔會帶來一段精彩个表演」。兩位天后都係「北漂」一族，堵好呼應演唱會主題──《歸心》，「在城市肚離開家鄉个人斡頭看故鄉，在旋律肚愐起深囥心底个回憶；這一夜，𫣆俚共下用音樂對話，尋轉最初心个想望。」

在這場開創新形式个《歸心》演唱會裡肚，會有4組無共樣風格个音樂人，表演無共樣世代个流行音樂風格。民眾乜會聽著來自屏東麟洛客家庄， 在S.H.E出道以後，目前既經係影、視、歌三隻領域个大名星，佢个音樂陪等當多人成長个Ella陳嘉樺，用佢最餳人个氣場點著舞台，呈現特別个音樂餳人力量；又摎共樣對屏東麟洛來，安到台灣第一個金曲雙語（華語、客語）歌后个Julia彭佳慧，用佢震動人心个音樂表現，為大家帶來無人比得過个音樂感受；對高雄美濃來，又光榮得著三金肯定摎國際大獎个客家籍音樂詩人──林生祥還過佢用土地摎生活滋養音樂个「生祥樂隊」，帶來南方音樂个大傲；金曲常客，又有自家特殊風格个創作女歌星Joanna王若琳，用佢感動人个歌聲打動現場所有个觀眾。

另外，客委會乜在記者會宣布，今晡當晝12點開放个1千零張早鳥9折優待票，正花忒5秒鐘斯賣淨淨，毋過大家毋使失志，暗晡夜6點還有第2批賣票，歡迎還無搶到票个朋友把扼機會。其他，當日演唱會結束前還有一件當歡喜个事情，就係人氣男團Ozone摎J Hall樂團加入表演，分人期待。歡迎民眾把扼機會到KKTIX系統搶票。

-------------------------------------

【華語版】

令人意想不到的超狂陣容，即將「唱客」給你聽！客家委員會主任委員古秀妃今（20）日前往台北隱世餐酒館，出席「《歸心》演唱會售票記者會」，邀請民眾3月15日共下來高雄流行音樂中心，聆聽由彭佳慧（Julia）、陳嘉樺（Ella）、王若琳（Joanna）及林生祥4組超強卡司帶來「無共樣」的客語音樂演出，期讓更多人可以親近客語、喜愛客家音樂與文化。

古主委表示，去（113）年客委會首度跨界合作推出的「H³ RIZZ UP演唱會」，邀請到歌手田馥甄、江美琪與林曉培於台北流行音樂中心以華客雙語演唱，獲得熱烈迴響，不但如此，許多南部鄉親敲碗，希望能來南部舉辦，因此，客委會今年不但與高雄市政府合作，於高雄流行音樂中心舉辦《歸心》演唱會，還特別邀請到4位華客語樂壇頂流歌手登台演出。未來，客委會也將進一步規劃在其他縣市舉辦客家流行音樂的演出，讓全台各地都能看見客家音樂美好的一面。

今日受邀前來參加記者會的高雄市政府客家事務委員會主任委員楊瑞霞表示，很榮幸代表高雄市長陳其邁來參加這場活動，相信參與這場演唱會的朋友「五感」都會跟客家音樂戀愛，所以大家一定要去買票，因為買票不但是對音樂的熱愛，也是對客家文化支持的表現，感謝客委會透過跨界音樂平台，讓更多人了解客家文化及客家音樂獨特的魅力，讓客家文化在現今的社會裡面創造、傳承並融合新的生命力。

來自高雄美濃客家庄的歌手林生祥則在記者會上為大家帶來精彩的歌曲表演－「南方」，他強調，「因為這次演唱會主題是《歸心》，所以屆時會為大家帶來有關自己家鄉的曲目，向大家分享家鄉的大山大河、食物等」。而同樣出席活動的還有歌手Joanna王若琳，為大家帶來她為客語時代劇《茶金》演唱的插曲－「You’re Breaking My Heart」，讓現場觀眾聽得如癡如醉。王若琳說，當初自己在演唱《茶金》歌曲時，花了很大的功夫學習客語，因為要抓到準確的客語發音不容易，很期待，也很開心這次可以跟很棒的老師、歌手們帶來溫馨的演出。

《歸心》演唱會是由客委會委託榮獲2屆金曲獎最佳客語歌手獎的羅文裕來進行策劃。羅文裕提到，演唱會將有很多意想不到的歌曲融合在華語、客語當中，因為音樂是很跨界的，包括樂曲曲風、舞台、燈光、音響，樂手老師的配置，都是精心設計，《歸心》也象徵城市中的遊子回鄉，用音樂與家鄉對話，尋回最初心的嚮往，其中Ella陳嘉樺與彭佳慧恰好都是來自屏東麟洛的客家人，「來自麟洛的2位美少女會帶來一段精彩的表演」。兩位天后都是「北漂」一族，剛好呼應演唱會主題－《歸心》，「當城市遊子回望家鄉，當旋律勾起深藏心底的回憶；這一夜，讓我們一起用音樂對話，尋回最初心的嚮往。」

在這場別開生面的《歸心》演唱會上，將由4組不同風格的音樂人，演繹不同世代的流行音樂風格。民眾將可以聽到來自屏東麟洛客家庄，自S.H.E出道後，目前已是影、視、歌三棲巨星，其音樂陪伴無數人成長的Ella陳嘉樺，以她無比魅力的氣場點燃舞台，展現獨特的音樂魅力；以及同樣來自屏東麟洛，並作為台灣首位金曲雙語（華語、客語）歌后的Julia彭佳慧，以其震撼的音樂表現為大家帶來無與倫比的音樂體驗；來自高雄美濃，並榮獲三金肯定及國際大獎的客籍音樂詩人－林生祥與他用土地和生活滋養音樂的「生祥樂隊」，帶來南方音樂的驕傲；金曲常客，且獨樹一格的創作女伶Joanna王若琳，用她動人的歌聲打動現場每一位觀眾。

此外，客委會也於記者會上宣布，今日中午12點開放的1千多張早鳥9折優惠票，只花了5秒便銷售一空，但大家不用氣餒，今晚6點還有第2波售票，歡迎還沒有搶到票的朋友把握機會。另外，當天演唱會的彩蛋，將由人氣男團Ozone及J Hall樂團加碼演出，令人期待。歡迎民眾把握機會至KKTIX系統搶票。