【客語版】

客家委員會30號在新北市新莊聯合辦公大樓舉辦「客家幣抽籤記者會」，由客委會主任委員古秀妃摎副主任委員范佐銘分別抽出做得得著客家幣个幸運號碼。古主委希望透過客家幣，鼓勵青年朋友研究客庄、認識客家文化，並透過用客家幣摎店肚个人進行客語交流，分客話正式實行在日常生活裡肚。

古主委表示，客家幣推出以來，當多鄉親朋友反應希望開放所有年齡个人參加登記抽籤，古主委說明，今年第一擺發行客家幣限制在「18到49歲」个政策，因為根據調查，18到49歲族群个客語聽講能力相對來講較低，為著鼓勵這隻年齡段个人參加，透過行落客庄、實際接觸感受客庄容貌、講客話，所以特別設計鼓勵這隻年齡段參加。

另外，乜有商店反應開放70隻客家鄉鎮以外个地區加入特約商店，古主委表示，現階段摎70隻客家鄉鎮區「𠊎講客」商店合作，目的係希望領著客家幣个民眾做得行落客庄，在客語通行个位所親身感受客庄生活。講著未來係毋係會開放分還較多無共樣年齡个人使用，還過係毋係開放客家鄉鎮以外个商店消費，客委會會跈等大家个回饋摎需要，繼續研究參詳來調整。

古主委強調，希望大家在使用客家幣个時節，也做得為社會盡一份責任，這份「責任」就係鼓勵講客話，會講客話个主動講，毋會講个乜做得學簡單个一、兩句，「恁早（早安）」、「歡迎」、「正來聊（再見）」，客話係生趣又好搞个，希望勉勵商店摎逐個拿著客家幣个朋友，毋單淨斯使用佢，乜做得為客語个恢復振興出一份心力。

古主委、范副主委在達文西法律事務所律師葉奇鑫摎客委會政風室主任劉鎮宇个見證下分別進行抽籤，經過嚴肅个抽籤程序，確定中籤个民眾身分證號最尾兩碼係01、04、09、19、20、22、23、25、32、36、37、44、46、49、52、54、55、68、70、72、74、75、79、82、83、85、89、91、93、94、97、98恁多儕，總計有25萬4,722個民眾得著客家幣。客委會強調，「2025台灣美食展」對8月1號到4號在台北世貿一館隆重上場，「客家館」現場乜會同時開放「客家幣期間限定消費」，歡迎民眾用行動體驗客家食物个味緒，就近感受摎品嘗客家美食。

客委會提醒，中籤个人對114年8月1號到115年6月30號為止，做得在全臺11隻縣市70隻客家文化重點發展區个「𠊎講客」客家幣特約商店消費，無限定次數、用忒為止。另外，為著鼓勵民眾較遽兜使用客家幣，摎客家幣合作个指定銀行過電子支付機關乜對8月1號起勢到名額淰咧為止，用平多價值个點數無斯現金回饋增加10％回饋，用行動傳承客家語言文化。更加多活動詳細情形請到客家幣官網 www.hakkacoin.com.tw 或者接洽客服專線0800‑525‑168（服務時間：每日09:00–18:00）。

-------------------------------------

【華語版】

客家委員會今（30）日於新北市新莊聯合辦公大樓舉辦「客家幣抽籤記者會」，由客委會主任委員古秀妃與副主任委員范佐銘分別抽出可獲得客家幣的幸運號碼。古主委期望透過客家幣，鼓勵青年朋友探索客庄、認識客家文化，並藉由使用客家幣與店家進行客語互動，讓客語真正落實於日常生活中。

古主委表示，客家幣推出以來，許多鄉親朋友反映希望開放全齡參與登記抽籤，古主委說明，今年首度發行客家幣限於「18至49歲」的政策，因為根據調查，18至49歲族群的客語聽說能力相對較低，為了鼓勵該年齡層參與，透過走進客庄、實際接觸體驗客庄風貌、使用客語，因此特別設計鼓勵該年齡層參與。

此外，也有店家反應開放70個客家鄉鎮以外的地區加入特約商店，古主委表示，現階段以70個客家鄉鎮區「𠊎講客」店家合作，目的是希望領取客家幣的民眾可以走進客庄，在客語通行的地方親身感受客庄生活。至於未來是否會開放更多年齡層使用，以及是否開放客家鄉鎮以外的店家消費，客委會會隨大家的回饋與需要，持續研議調整。

古主委強調，期望大家在使用客家幣的同時，也能為社會盡一份責任，這份「責任」就是鼓勵使用客語，會說客語的主動說，不會說的也能學簡單的一、兩句，「恁早（早安）」、「歡迎」、「正來聊（再見）」，客語是有趣又好玩的，期勉店家和每位拿到客家幣的朋友，不只是使用它，也可以為客語復振盡一份心力。

古主委、范副主委在達文西法律事務所律師葉奇鑫及客委會政風室主任劉鎮宇的見證下分別進行抽籤，經過嚴謹的抽籤程序，確定中籤的民眾身分證號末兩碼為01、04、09、19、20、22、23、25、32、36、37、44、46、49、52、54、55、68、70、72、74、75、79、82、83、85、89、91、93、94、97、98者，總計有25萬4,722名民眾獲得客家幣。客委會強調，「2025台灣美食展」將於8月1日至4日於台北世貿一館盛大登場，「客家館」現場將同步開放「客家幣期間限定消費」，歡迎民眾以行動體驗客家飲食風味，就近感受與品嘗客家美食。

客委會提醒，中籤者自114年8月1日至115年6月30日止，可於全台11個縣市70個客家文化重點發展區的「𠊎講客」客家幣特約店家消費，不限次數、用完為止。此外，為鼓勵民眾儘早使用客家幣，與客家幣合作的指定銀行及電支機構亦自8月1日起至額滿為止以等值點數或現金回饋加碼10％回饋，以行動傳承客家語言文化。更多活動詳情請至客家幣官網 www.hakkacoin.com.tw 或洽客服專線0800‑525‑168（服務時間：每日09:00–18:00）。