【客語版】

 一頭搞一頭講客當生趣，客家委員會主任委員古秀妃12號來到新竹縣竹東鎮立幼兒園訪問視察114年度「幼幼客語過通關--多梯次認證--北一區新竹場」，前進第一線摎家長過細人仔互相交流，還親身體驗過關个內容，當歡喜看著恁多細人仔快樂過關，拿著成長階段个第一張證書。

古主委表示，活動个目的就係愛分細人仔有機會聽客話、講客話，用細人仔个方式設計過關內容，毋單淨適合佢兜好搞个本性，細人仔乜會試著學習客語當生趣。就算今晡日主場在竹東，毋過乜餳著其他鄉鎮个細人仔來過關，這就係客委會希望營造个講客環境。

古主委乜特別感謝竹東鎮立幼兒園長鍾瑞萍、竹東鎮公所鎮長郭遠彰、新竹縣政府教育局長楊郡慈、國立台灣師範大學進修推廣學院院長胡衍南恁多各界个公私𢯭手，客委會會繼續推廣小朋友打好客語學習个基礎。

今年幼幼客語過關考驗全國總共11場梯次認證，這場總計有162名小朋友報名參加，內容全部係5隻關口，分別係「位置摎陳列」、「天氣變化摎著病」、「淨俐好寶寶」、「學校个一日」、「共下出去尞」，用遊戲器材搞尞幫助細人仔學習使用客語單字摎句型个情境。另外，現場乜設置專區分無報名个細人仔搞尞，像童玩風車、天燈細吊飾、紅粄米食這兜手作體驗，摎關主用客話互相交流，邀請大細朋友共下行落客家世界。

客委會「幼幼客語過關」對101年開始推動既經12年咧，鼓勵年滿4歲到國小入學前个細人仔學習客語，透過過五關、搞遊戲个方式，在學習情境裡肚自然呈現出客語个聽講能力，提高對客家文化摎語言个認識，到今總計有82,735人次參加。希望繼續團結中央、地方、民間个力量，摎講客个種子散布在各地成長壯旺。

-------------------------------------

【華語版】

邊玩邊講客超有趣，客家委員會主任委員古秀妃今（12）日赴新竹縣竹東鎮立幼兒園訪視114年度「幼幼客語闖通關-多梯次認證-北一區新竹場」，前進第一線和家長與孩子互動，更親自體驗關卡內容，樂見許多細人仔開心過關，取得成長階段的第一張證書。

古主委表示，活動目的就是要讓細人仔有機會聽客語、說客語，用孩子的方式設計闖關內容，不只符合他們玩樂的天性，孩子也會認為學習客語很有趣。即使今日主場在竹東，但也吸引到其他鄉鎮孩子前來闖關，這就是客委會希望營造的講客環境。

古主委也特別感謝竹東鎮立幼兒園長鍾瑞萍、竹東鎮公所鎮長郭遠彰、新竹縣政府教育局長楊郡慈、國立台灣師範大學進修推廣學院院長胡衍南等各界公私協助，客委會將持續推廣幼兒扎根客語學習。

今年幼幼客語闖通關全國共有11場梯次認證，本場總計162名幼兒報名參加，內容皆為5關卡，分別是「位置及陳設」、「天氣變化及生病」、「清潔好寶寶」、「學校的一天」、「一起出去玩」，以遊具玩樂輔助孩子學習使用客語單字及句型的情境。此外，現場亦設置專區給未報名的孩童遊玩，如童玩風車、天燈小吊飾、紅粄米食等手作體驗，與關主互動講客，邀請大小朋友共下走入客家世界。

客委會「幼幼客語闖通關」自101年起推動已12年，鼓勵年滿4歲至國小入學前幼兒學習客語，透過闖五關、玩遊戲方式，在學習情境下自然地展現出客語的聽說能力，提升對客家文化及語言的認識，至今共計82,735人次參與。盼持續團結中央、地方、民間的力量，將講客的種子散播在各地成長茁壯。