【客語版】

客家委員會主任委員古秀妃5號去新竹縣參加「北埔鄉綜合行政大樓暨客庄生活交流中心新建工程動土典禮」。古主委表示，這項建設个功能有當多樣式，所有年齡階段包辦細人仔托育、後生人運動、老人家打嘴鼓這兜公共空間，正經係客委會回答地方需要、支持地方客家鄉親生活理念个澈底執行。當歡喜做得摎地方共下推動好个政策，相信會變成北埔鄉行向未來个重要基礎。

古主委指出，全國各地客庄現下階段个生活環境係毋係符合在地需求，係𠊎個人非常重視个議題，所以，舊年上任以後斯提出「客庄生活交流中心」計畫，希望打造客庄所有年齡鄉親同樂个生活場所。古主委強調，客委會當然支持建造「北埔鄉綜合行政大樓暨客庄生活交流中心」，又摎頭擺个計畫撤銷，摎原案既經核定个5,600萬經費提高到9,565萬個銀，肯定佢對北埔客庄个正向發展。

這綜合大樓係一座聚集社區交流、文化傳承、運動休閒、公共托育這兜功能做一下个「客庄生活交流中心」，這隻案仔（北埔鄉客庄生活交流中心興建專案計畫）經費總計1億1,388萬個銀，由客委會補助9,565萬9,348個銀（84%），希望促進居民交流、提高生活質量摎餳後生人轉故鄉發展，按算在今年9月開工、116年完工。

今晡日共下參加典禮个有新竹縣長楊文科、北埔鄉長莊明增、北埔鄉民代表會主席徐鏡明摎一兜議員、村長還過各地代表等等，還有當多鄉親參加鬥鬧熱，共下見證北埔客庄重要建設个動土儀式。

-------------------------------------

【華語版】

客家委員會主任委員古秀妃今（5）日赴新竹縣參與「北埔鄉綜合行政大樓暨客庄生活交流中心新建工程動土典禮」。古主委表示，這項建設的功能多樣多元，全齡包辦細人仔托育、後生人運動、老人家打嘴鼓等公共空間，正是客委會回應地方需求、支持地方客家鄉親生活理念的落實。很高興能攜手地方推動好的政策，相信將成為北埔鄉走向未來的重要基石。

古主委指出，全國各地客庄現階段的生活環境是否符合在地需求，是個人非常重視的議題，因此，去年上任後即提出「客庄生活交流中心」計畫，盼打造客庄全齡鄉親同樂的生活場域。古主委強調，客委會當然支持興建「北埔鄉綜合行政大樓暨客庄生活交流中心」，並將過往計畫撤案，將原案已核定的5,600萬元經費提升至9,565萬元，肯定其對於北埔客庄的正向發展。

此綜合大樓為一座集社區交流、文化傳承、運動休閒、公共托育等功能於一體的「客庄生活交流中心」，該案（北埔鄉客庄生活交流中心興建專案計畫）經費共計1億1,388萬元，由客委會補助9,565萬9,348元（84%），期待促進居民交流、提升生活質量並吸引青年返鄉發展，預計將於今年9月動工、116年完工。

今日一同參與典禮的有新竹縣長楊文科、北埔鄉長莊明增、北埔鄉民代表會主席徐鏡明及多名議員、村長與各地代表等，還有許多鄉親參與鬥鬧熱，共下見證北埔客庄重要建設的動土儀式。