【客語版】

「2025台灣美食展」來到最尾一日，客家委員會主任委員古秀妃4號來到台北世貿一館个「HA FOOD 客食・客市」主題館，親身摎攤商表示感謝，承蒙佢兜這4日來煞猛推廣客家美食摎文化，乜希望展覽結束了後，大家做得多多行落客庄遶尞，研究當地好味緒，感受客家文化个靚。

古主委表示，「客家美食從來斯毋識缺席」，今年个客家主題館，邀請對台三線、六堆摎台九線來个22家客庄店頭家聚總共下，呈現佢兜最有味緒个客家味，分國內外朋友看著臺灣客庄產品个實在摎用心。感謝所有店頭家長年透天經營客庄在地，一溜來都求進步、提高自家个產品，為帶動客庄經濟發展貢獻心力。

古主委進一步指出，今年客家館表現打眼，3日來个業績比舊年成長差毋多40%，其中單日最高業績超過60萬銀，比起舊年成長一倍，明顯看出人氣摎買氣同時成長，希望未來年年進步，客委會乜會繼續摎客庄經營者共下打拚，分還較多人中意客家美食。

客家館最尾日个精彩活動，係對六堆來个作家鍾怡彥繼續鍾理和文學，摎國宴主廚林繼正合作，用「六堆媽媽雞湯」做主題，對菜頭摎老菜脯个故事出發，詳細說明料理背後个季節順序、情感摎風土連結；花蓮理想大地渡假飯店就透過松露鹹豬肉蔥麵包過東方美人茶達克瓦茲等創新料理，摎客家代表性个鹹香結合精緻食材過甜點工藝，呈現風土摎創新个各行各業融合；「客食品味分享」就由「阿爸个客家菜」郭敏昌摎謝慈興主廚帶來覆菜三味－薑絲大腸、覆菜肉片湯摎梅干扣肉，帶領觀眾品嚐客家菜摎時間對話个成熟智慧，深刻表現客家料理裡肚用發酵來保存摎食雜記憶个文化涵養。

另外，客家主題館今年引進「客家幣」數位消費功能，鼓勵民眾用行動支持客家產業摎文化創新。在弛崗打陣个人客摎客家美食个噴香之下，客家館「HA FOOD 客食・客市」圓滿煞棚。未來，客委會乜會繼續推動客家美食文化，分這份好味緒摎文化个力量繼續創造輝煌。

-------------------------------------

【華語版】

「2025台灣美食展」邁入最後一天，客家委員會主任委員古秀妃今（4）日前往台北世貿一館的「HA FOOD 客食・客市」主題館，親自向攤商致意，感謝他們這4天來煞猛推廣客家美食與文化，也期待展覽結束後，大家能多多走進客庄遶尞，探索在地風味，感受客家文化之美。

古主委表示，「客家美食從未缺席」，今年的客家主題館，邀請來自台三線、六堆與台九線的22家客庄業者齊聚一堂，展現他們最有味緒的客家味，讓國內外朋友看見台灣客庄產品的實在與用心。感謝所有業者長年深耕客庄在地，不斷精進、提升自己的產品，為帶動客庄經濟發展貢獻心力。

古主委進一步指出，今年客家館表現亮眼，3天來的業績較去年成長近40%，其中單日最高業績突破60萬元，相較去年成長一倍，顯見人氣與買氣同步提升，期望未來年年進步，客委會也將持續與客庄業者攜手努力，讓更多人愛上客家美食。

客家館最後一天壓軸活動，由來自六堆的作家鍾怡彥承繼鍾理和文學，攜手國宴主廚林繼正，以「六堆媽媽雞湯」為主題，從蘿蔔與老菜脯的故事出發，細說料理背後的時序、情感與風土連結；花蓮理想大地渡假飯店則透過松露鹹豬肉蔥麵包與東方美人茶達克瓦茲等創新料理，將客家經典鹹香結合精品食材與甜點工藝，展現風土與創新的跨界融合；「客食品味分享」則由「阿爸的客家菜」郭敏昌及謝慈興主廚帶來覆菜三味－薑絲大腸、福菜肉片湯與梅干扣肉，帶領觀眾品味客家菜與時間對話的熟成智慧，深刻體現客家料理中發酵保存與飲食記憶的文化底蘊。

此外，客家主題館今年導入「客家幣」數位消費機制，鼓勵民眾以行動支持客家產業與文化創新。在絡繹不絕的人潮與客家美食的香味四溢下，客家館「HA FOOD 客食・客市」圓滿落幕。未來，客委會將持續推動客家美食文化，讓這份美味與文化的力量持續發光發熱。