【客語版】

客家委員會主任委員古秀妃30號朝晨出席在日本東京舉辦个「東京客家崇正公會創立62周年暨第55屆會員懇親大會」，古主委除核推崇東京客家崇正公會展現出強烈个凝聚力同傳承客家文化个使命感，乜希望大家共下打拚，分世界看著臺灣客家文化个光彩。

古主委致詞个時節首先感謝東京客家崇正公會用心籌辦這擺个大會，乜指出，今晡日參加大會个300零位鄉親裡背，有150位鄉親係對臺灣同全球各地來个，舊年佢去加拿大出席「2024世界臺灣客家懇親大會」，東京客家崇正公會个李克順會長乜帶吔蓋多日本客家鄉親去該參加，下後同所有个客家鄉親都有聯絡；恁多位鄉親今晡日來參加大會，乜順續仔來日本旅行，故所東京客家崇正公會毋單淨為日本个客家鄉親服務，乜為日本帶來觀光旅遊个人潮，創造經濟收入，貢獻十分多。

古主委乜講著，「國立客家兒童合唱團」今晡日分大會邀請來表演，這係合唱團對108年成立以來，第一擺海外正式个表演，團員係國小三年生到國中一年生个學生仔，經過長期煞猛个訓練，佢等大吔後對客家有認同，乜對臺灣社會同國家有認同。31號乜會同全日本學校合唱比賽冠軍「大妻中野中學校合唱團」進行交流，分客家細人仔有機會透過音樂同歌聲，向世界傳揚客家音樂文化之美。

尾下，古主委邀請大家前來臺灣參加今年10月舉辦个全球客家文化會議，會議上將會報告客委會做吔哪兜事情，歡迎大家共下來關心，乜希望鄉親朋友在全球各地做臺灣个外交助手，持續為臺灣付出同打拚。

包括古主委、駐日經濟文化代表處李逸洋大使、新竹縣楊文科縣長、苗栗縣鍾東錦縣長、桃園市政府客家事務局范姜泰基局長、東京客家崇正公會李克順會長、世界臺灣客家聯合總會邱榮光總會長、全球臺灣客家聯合總會黎萬棠總會長、美洲臺灣客家聯合總會廖淑媛總會長、亞洲臺灣客家聯合總會吳秀娥總會長、立憲民主黨川田龍平參議員同對全球各地來个客家社團代表都出席今晡日个大會。

除核「國立客家兒童合唱團」帶來精彩个開幕表演，客委會補助个「藍衫樂舞團」乜受著邀請在大會表演，這擺表演个主題「聽著臺灣六堆靚聲」，將把臺灣六堆藝術个仁傳出去，用客家歌舞款待鄉親，展現臺灣客家文化內涵。

這擺兩場活動總共有對全球來个300零位客家鄉親聚總在日本，包含美國、加拿大、西班牙同菲律賓等國家个客家鄉親共下來鬥鬧熱，客委會表示，全球哪都有客家人，在海外探根递藤，未來乜會藉海外鄉親累積全球客家族群能量，深化海外客家人對臺灣个認同同向心力，建立全球多元个文化交流。

-------------------------------------

【華語版】

客家委員會主任委員古秀妃於今(30)日上午出席於日本東京舉辦的「東京客家崇正公會創立62周年暨第55屆會員懇親大會」，古主委除推崇東京客家崇正公會展現出強烈的凝聚力和傳承客家文化的使命感，並期望大家一同努力，讓世界看見臺灣客家文化的光彩。

古主委致詞時首先感謝東京客家崇正公會用心籌辦此次大會，並指出，今天參加大會的300多位鄉親裡面，有150位鄉親是來自臺灣和全球各地，去年她前往加拿大出席「2024世界臺灣客家懇親大會」，東京客家崇正公會的李克順會長也帶著許多日本客家鄉親前來參加，後續和所有的客家鄉親都有聯絡；多位鄉親今天來參加大會，也順道來日本旅遊，因此東京客家崇正公會不只為日本的客家鄉親服務，也為日本帶來觀光旅遊的人潮，創造經濟收入，貢獻良多。

古主委也提到，「國立客家兒童合唱團」今日受邀在大會進行演出，這是合唱團自108年成立以來，首次海外正式演出，團員來自國小三年級至國中一年級學童，經過長期密集的訓練，他們長大後對客家有認同，也對臺灣社會和國家有認同。明日更將與全日本學校合唱比賽冠軍「大妻中野中學校合唱團」進行交流，讓客家孩童有機會透過音樂與歌聲，向世界傳揚客家音樂文化之美。

最後，古主委邀請大家前來臺灣參加今年10月舉辦的全球客家文化會議，會議上將會報告客委會做了哪些事情，歡迎大家一起來關心，也期盼鄉親朋友在全球各地作為臺灣的外交尖兵，持續為臺灣付出與打拚。

包括古主委、駐日經濟文化代表處李逸洋大使、新竹縣楊文科縣長、苗栗縣鍾東錦縣長、桃園市政府客家事務局范姜泰基局長、東京客家崇正公會李克順會長、世界臺灣客家聯合總會邱榮光總會長、全球臺灣客家聯合總會黎萬棠總會長、美洲臺灣客家聯合總會廖淑媛總會長、亞洲臺灣客家聯合總會吳秀娥總會長、立憲民主黨川田龍平參議員及來自全球各地的客家社團代表皆出席今日大會。

除了「國立客家兒童合唱團」帶來精彩的開幕表演，客委會補助的「藍衫樂舞團」也受邀於大會演出，此次演出主題「聽見臺灣六堆靚聲」，將臺灣六堆藝術種子散播，以客家歌舞款待鄉親，展現臺灣客家文化內涵。

此次兩場活動共計來自全球逾300位客家鄉親齊聚日本，包含美國、加拿大、西班牙及菲律賓等國之客家鄉親共襄盛舉，客委會表示，客家人遍布全球，在海外落地生根，未來也將藉由海外鄉親累積全球客家族群能量，深化海外客家人對臺灣的認同及向心力，建立全球多元的文化交流。