【客語版】

人間國寶傅明光司阜在9月16號過身，享壽86歲，客家委員會副主任委員邱星崴在30號來到新竹縣竹東鎮傅屋參加公祭，並代表古秀妃主委頒發表揚狀，來表揚傅司阜對文化資產保存摎傳統專業工藝傳承个偉大貢獻。

邱副主委表示，「傅司阜毋單淨係人間國寶，還較係客家个國寶。」客庄建築有自家个規則摎特色，宮廟、伙房、伯公廟還過人屋互相連接，密切關聯。毋過，係無優秀个司阜，斯算有最好个風水地理、最多个材料，乜無法度建造正式有靈魂个客家建築。傅司阜一生人堅持用傳統、有機个工法，一瓦一石起出客家人个生活智慧，到這下既經當難看著咧。

邱副主委進一步指出，現代建築越起越高，嗄漸漸摎土地、庄頭失忒連接；比較之下，傳統客庄建築摎人个一生密切依賴，如今這兜記憶摎影跡，做下扼在傅司阜个手町。佢个過身分人試著當毋盼得，客委會會全力𢯭手，分傅司阜个精神摎手藝做得一代傳一代，永久留在客庄个土地頂高。

傅明光民國29年在新竹竹東出世，係台灣傳統建築工藝傳承个土水司阜，精通客家傳統建築工法。先生還曉得屋棟山牆彩繪、泥塑、剪黏，堅持古法用手做起，做出來个瓦作非常亮線，乜當拄固，同時具備排水摎通風，做得延長建築个壽命。

先生頭擺參加个工程包括新竹北埔金剛寺、北埔國定古蹟金廣福公館、姜氏家廟、大山背樂善堂、北埔慈天宮等等，大家都知佢个手藝非常湛斗、優秀。佢在建築摎修整个時節，會遵照五行八卦个風水觀念，乜會照魯班尺紅字來做工程，分人安腦佢係「客家傳統建築當有意義摎價值个教科書」。

傅司阜在民國105年得著「人間國寶」个特殊光榮，同時記錄為土水修建技術（瓦作）文化資產保存者；111年得到客委會客家事務一等專業獎章；114年得到行政院文化獎个肯定。他一生人盡力做技術傳承摎教育，遵守「有做正有學，有傳正有未來」个精神，親身指點後輩，世代相傳，對客家傳統建築摎文化古蹟个保存，貢獻當大，做得講係客家模範，客委會特別頒發表揚狀，來表達尊敬過懷念。

-------------------------------------

【華語版】

人間國寶傅明光司阜於本（9）月16日辭世，享壽86歲，客家委員會副主任委員邱星崴今(30)日前往新竹縣竹東鎮傅宅參加公祭，並代表古秀妃主委頒發旌揚狀，以表揚傅司阜對文化資產保存與傳統匠藝傳承的卓越貢獻。

邱副主委表示，「傅司阜不只是人間國寶，更是客家的國寶。」客庄建築自成體系，廟宇、伙房、伯公廟與民宅彼此相連，環環相扣。然而，沒有優秀的司阜，即使風水地理再佳、材料再多，也無法打造真正具靈魂的客家建築。傅司阜一生堅持以傳統、有機的工法，一瓦一石築起客家人的生活智慧，如今已極為罕見。

邱副主委進一步指出，現代建築越蓋越高，卻逐漸與土地、庄頭失去連結；相較之下，傳統客庄建築與人的一生緊密相依，如今這些記憶與痕跡，都握在傅司阜的手中。他的離世令人深感不捨，客委會將全力協助，讓傅司阜的精神與手藝得以薪火相傳，永續留在客庄土地上。

傅明光民國29年生於新竹竹東，是台灣傳統建築匠藝傳承的土水司阜，精通客家傳統建築工法。先生兼通屋脊山牆彩繪、泥塑、剪黏，堅持古法用手做起，做出來的瓦作平整亮麗，非常牢固，同時兼具排水和通風，能夠延續建築的壽命。

其過去參與的工程包括新竹北埔金剛寺、北埔國定古蹟金廣福公館、姜氏家廟、大山背樂善堂、北埔慈天宮等，大家都知道他的手藝非常傑出、優秀。他在建築和修繕的時候，遵循五行八卦的風水觀念，也會照魯班尺紅字來做工程，被人讚譽為「客家傳統建築的活教科書」。

傅司阜於民國105年獲頒「人間國寶」殊榮，同時登錄為土水修建技術（瓦作）文化資產保存者；111年得到客委會客家事務一等專業獎章；114年得到行政院文化獎的肯定。他一生致力於技術傳承和教育，持守「有做正有學，有傳正有未來」的信念，親自教授後進，薪火相傳，對客家傳統建築同文化古蹟的保存，貢獻卓著，足為客家典範，客委會特頒旌揚狀，以表敬意與懷念。