【客語版】

客家委員會古秀妃主任委員17號來到苗栗尚順君樂酒店，參加亞洲台灣客家聯合總會「2025年懇親大會第六、七屆總會長交接典禮」暨晚宴，古主委表示，客家人个特質係「熱情、良善」，在這下全球局勢無穩定个時節，全球客家人應該好好利用自身个力量，用熱情摎良善取代對立摎衝突，摎社會帶向還較好个發展。

古主委講，承蒙亞總熱情邀請，分佢做得再過摎對世界各地來个客家鄉親共下。佢乜講著，會場裡背有當多貴賓在四日進前正參加過在台北舉行个「全球客家文化會議」，這擺又過見面咧，就像係老朋友又相逢，分人試著已燒暖。

古主委強調，「We are somebody，毋係nobody」，全球客家人無論人在哪位，都有做得影響社會个力量。佢希望大家轉到各自个所在國家後，繼續向世界傳送正向價值，分還較多人看著「台灣係一隻當好个國家，客家係一隻當好个文化」。

該日活動朝晨係客委會副主委邱星崴帶來「台灣摎世界客家」專題演講，還過苗栗縣政府文化觀光局局長林彥甫帶來「台三線苗栗客庄文化」專題演講；下晝就舉行第七屆第一擺理監事會議，由聯新國際醫院院長張煥禎帶來健康講座。

晚宴个貴賓除忒古主委，還有客委會副主委范佐銘、亞總創會總會長鍾仕達、第六屆總會長吳秀娥、監事長李鴻海、第七屆總會長邱泳方、監事長張榮富、僑務委員會委員長徐佳青、新竹縣長楊文科、苗栗縣長鍾東錦等，場面已鬧棚。古主委親身監交印信還過恭喜第七屆邱泳方總會長、李鴻海監事長正式就任，乜特別摎第六屆吳秀娥總會長、張榮富監事長誠心感謝。

客委會表示，亞總對成立以來，一溜里來就係連結亞洲各地客家鄉親个重要角色。對日本、馬來西亞、泰國、印尼到台灣，逐擺个交流活動，都係文化傳承最有力个證明。客委會會繼續扮演連結全球客家網絡个平台角色，摎各個伴仔相幫相扌帣，共下推動客家語言傳承、文化創新摎青年培力，分客家精神跨國界，代代相傳。

-------------------------------------

【華語版】

客家委員會古秀妃主任委員今（17）日晚間前往苗栗尚順君樂酒店，參加亞洲台灣客家聯合總會「2025年懇親大會第六、七屆總會長交接典禮」暨晚宴，古主委表示，客家人的特質是「熱情、友善」，在當前全球局勢動盪分歧之際，全球客家人應善用自身力量，以熱情和友善取代對立與衝突，將社會帶向更好的發展。

古主委提到，感謝亞總熱情邀請，讓她得以再次與來自世界各地的客家鄉親相聚。她提到，會場中有許多貴賓才在四天前參與在台北舉行的「全球客家文化會議」，這次再度相見，宛如老朋友重逢，令人倍感溫馨。

古主委強調，「We are somebody，不是nobody」，全球客家人無論身在何處，都具備足以影響社會的力量。她期待大家返回各自所在國家後，持續向世界傳遞正向價值，讓更多人看見「台灣是一個很好的國家，客家是一個很好的文化」。

今日活動上午由客委會副主委邱星崴帶來「台灣與世界客家」專題演講，以及苗栗縣政府文化觀光局局長林彥甫帶來「台三線苗栗客庄文化」專題演講；下午則舉行第七屆第一次理監事會議，並由聯新國際醫院院長張煥禎帶來健康講座。

晚宴與會貴賓除了古主委，尚包括客委會副主委范佐銘、亞總創會總會長鍾仕達、第六屆總會長吳秀娥、監事長李鴻海、第七屆總會長邱泳方、監事長張榮富、僑務委員會委員長徐佳青、新竹縣長楊文科、苗栗縣長鍾東錦等，場面盛大。古主委親自監交印信並恭喜第七屆邱泳方總會長、張榮富監事長正式就任，也特別向第六屆吳秀娥總會長、李鴻海監事長致上最誠摯的感謝。

客委會表示，亞總自成立以來，始終扮演著連結亞洲各地客家鄉親的重要角色。從日本、馬來西亞、泰國、印尼到台灣，每一次的交流活動，都是文化傳承最有力的證明。客委會將持續扮演連結全球客家網絡的平台角色，與各位夥伴攜手合作，共同推動客家語言傳承、文化創新與青年培力，讓客家精神跨越國界，代代相傳。