【客語版】

總統賴清德11號在客家委員會主任委員古秀妃、新竹縣長楊文科、義民廟董事長林光華恁多儕陪同之下，摎鄉親共下參加「義魄千秋-2025全國義民祭在新竹縣」義民爺祭祀典禮。賴總統勉勵大家保持義民爺忠義精神，保護國家、守顧家園，並強調客家族群留下來个傳統美德值得大家學習摎傳承。

賴總統提著，感謝客家鄉親在臺灣各地過崗位上為國家奉獻心力，促進社會繼續進步，政府乜會續等用具體个行動表示對客家个支持。對陳水扁總統時節，開始熱心推行多項客家文化政策，包括成立客家電視臺、計劃設立講客廣播電臺，還過舉辦桐花祭，承接並繼續臺灣社會發動个「客家新文化復興運動」；蔡總統上任以後乜提出「新客家文化運動」，比論講打造「浪漫台三線」，並陸續向外發展到包括「靚靚六堆」摎「幸福台九線」个「客庄369幸福計畫」，還過摎客語列為國家語言之一。

賴總統指出，自家上任以後提出客家6箭政策，包括「公共客家」、「飲食客家」、「青年客家」、「創生客家」、「區域客家」過「國際客家」，目前既經一一執行，包括客委會開發適用手機摎電腦个客語輸入法，分大家做得在LINE頂高出現客語字；「客食（HA-FOOD）」品牌，開發出21種新个產品，像：桔醬、漢堡摎擂茶、磅雞卵糕等等，摎企業合作販賣，分還較多臺灣人民享受客家美食；客委會成立「客家青年諮詢委員會」，根據後生人个想法去推行各項政策；前年乜舉辦過世界客家博覽會，希望臺灣變成全球客家中心，分臺灣摎國際客家鄉親做得還較密切合作。

古主委表示，今年係褒忠亭義民廟建廟237周年，乜係乙未保護臺灣戰爭130周年，回顧歷史，逐隻時代都有客家先民為著保護家鄉勇敢作戰，甚至犧牲性命，表現出堅耐毋屈服个客家精神。客家人從來毋識脫離歷史，一溜里來都行在時代摎社會个現場，呈現最勇敢个力量。義民祭毋單淨係全臺灣最有代表性个客家文化節慶，還包含豐富个傳統祭典摎用客語進行祭祀个禮俗，這兜文化做得繼續到這下，係倚恃官方、民間摎恁多鄉親共下打拚出來个。拜託大家繼續傳承義民精神，乜誠心請求義民爺庇佑臺灣風調雨順、國泰民安，客家代代相傳。

林董事長就分享，義民爺信仰係全臺灣唯一來自本土个特殊信仰，義民祭一年有3祭，春祭係摎祖先掛紙，秋祭係感恩祖先庇佑、請求風調雨順，今年義民祭个主題係「團結為重」，希望無分族群，共下團結，這種精神就係義民爺个忠義精神。今晡日參加祭祀典禮个來賓還包括財團法人褒忠亭義民中學財團董事長黃茂實、關西聯庄總爐主羅吉平、立法委員范雲、徐欣瑩、林思銘等等，共下摎義民爺請求風調雨順、國泰民安。

今年堵好堵著895乙未保臺戰爭130周年，客委會特別策劃「2025精緻客家大戲－《1895乙未英烈－徐驤》」，邀請榮興客家採茶劇團製作，說明客家先民對抗外來政權，犧牲自家、保護家鄉摎國家个故事，這齣戲劇堵好呼應客家義民保護臺灣、毋驚強權个精神。對後背算來最尾3場个表演，邀請民眾定著愛把扼，更加多个資訊請到《1895乙未英烈徐驤》活動網頁查詢。

-------------------------------------

【華語版】

總統賴清德今（11）日在客家委員會主任委員古秀妃、新竹縣長楊文科、義民廟董事長林光華等人陪同下，與鄉親一同參與「義魄千秋-2025全國義民祭在新竹縣」義民爺祭祀大典。賴總統勉勵大家秉持義民爺忠義精神，保家衛國、守護家園，並強調客家族群所留下的傳統美德值得各界學習與傳承。

賴總統提到，感謝客家鄉親在台灣各個角落與崗位上為國家奉獻心力，促進社會持續進步，而政府也持續用具體行動表達對客家的支持。從陳水扁總統時期，開始積極推動多項客家文化政策，包括成立客家電視台、籌設講客廣播電台，以及舉辦桐花祭，承接並延續台灣社會所發動的「客家新文化復興運動」；蔡總統上任後也提出「新客家文化運動」，例如打造「浪漫台三線」，並陸續擴展至包括「靚靚六堆」及「幸福台九線」的「客庄369幸福計畫」，以及將客語列為國家語言之一。

賴總統指出，自己上任後提出客家6箭政策，包括「公共客家」、「飲食客家」、「青年客家」、「創生客家」、「區域客家」及「國際客家」，目前已一一落實，包括客委會開發適用手機和電腦的客語輸入法，讓大家可以在LINE上顯示客語字；「客食（HA-FOOD）」品牌，研發出21款創新產品，例如桔醬漢堡和擂茶磅蛋糕等，與企業合作販售，讓更多台灣人民享受客家美食；客委會成立「客家青年諮詢委員會」，根據年輕人的想法去推動各項政策；前年也舉辦了世界客家博覽會，希望台灣成為全球客家中心，讓台灣跟國際客家鄉親可以更緊密合作。

古主委表示，今年是褒忠亭義民廟建廟237周年，也是乙未保台戰役130周年，回顧歷史，每個時代都有客家先民為守護家園奮戰，甚至犧牲性命，展現堅韌不拔的客家精神。客家人從未與歷史脫節，始終走在時代與社會的現場，展現最勇敢的力量。義民祭不僅是全台最具代表性的客家文化節慶，更蘊含豐富的傳統祭典並以客語進行祭祀禮俗，這些文化能夠延續至今，仰賴官方、民間與鄉親們共同努力。懇請大家持續傳承義民精神，也誠心祈求義民爺庇佑台灣風調雨順、國泰民安，客家代代相傳。

林董事長則分享，義民爺信仰是全台唯一源自本土的特殊信仰，義民祭一年有3祭，春祭為祖先掃墓，秋祭感恩祖先庇佑、祈求風調雨順，而今年義民祭主題則以「團結為重」，希望不分族群，共同團結，這種精神就是義民爺的忠義精神。今日參與祭祀大典的來賓尚包括財團法人褒忠亭義民中學財團董事長黃茂實、關西聯庄總爐主羅吉平、立法委員范雲、徐欣瑩、林思銘等，一同向義民爺祈求風調雨順、國泰民安。

今年適逢1895乙未保台戰役130周年，客委會特別策劃「2025精緻客家大戲－《1895乙未英烈－徐驤》」，邀請榮興客家採茶劇團製作，講述客家先民對抗外來政權，犧牲自己、保家衛國的故事，此劇正巧呼應客家義民守護台灣、不畏強權的精神。倒數最後3場演出，邀請民眾敬請把握，更多資訊請至《1895乙未英烈徐驤》活動網頁查詢。