【客語版】

逐年四、五月係桐花開到最鬧个季節，新竹縣桐花祭系列活動乜在26號正式展開，客家委員會副主任委員邱星崴朝晨去到新埔鎮巨埔農場，摎新竹縣長楊文科這兜共下參加開動儀式，邱副主委表示，客委會對2002年開始舉辦桐花祭活動，今年補助新竹縣政府差毋多有160萬個銀，呈現對桐花祭个重視。

邱副主委提著，桐花這下既經變成客家花咧，帶出客家人對靚个感受，客委會設立桐花IOT監測系統，總愛你去網站頂高斯做得看得著全臺灣各地桐花開花个情形；乜紹介各種路線个桐花細旅行，分大家行行尞尞；近來還舉辦「全民報桐花」線上活動，邀請大家主動回報開花个情況；感謝縣府辦理活動个用心，希望中央摎地方共下打拚，傳承客家文化精神。

邱副主委又鼓勵今晡日在活動表演个新埔鎮文山國小八音班學生，邱副主委講，八音係幾下百年前流傳下來，𫣆俚个祖先用來表達情感个方式，現代人想愛表達情感可能透過網路，頭擺人係用這兜八音樂器傳達歸庄人个心情，所以八音班小朋友當在該做个事情盡重要，希望大家做得透過八音演奏穿過時間摎空間，感受著阿公婆个心情。

客委會補助基隆市政府辦理个基隆桐花祭26號乜在暖東苗圃正式開幕，客委會副主任委員范佐銘出席開幕活動个時節表示，一年一擺个基隆桐花祭「敬伯公」祭拜儀式用客家八音演奏開場，因為桐花樹早期係經濟作物，透過祭拜山林、土地摎伯公，呈現客家人對山林个感恩之心摎對大自然个尊敬，乜承蒙基隆市客委會摎民政處共下舉辦活動，現場毋單淨有藍染DIY體驗摎客家好食个特色美食，還有桐花細旅行，希望來參加个民眾做得看著基隆个美景摎客庄个人文風情。

今年基隆桐花祭个所有活動都當精彩，包括客語接龍通關、親切溫暖个客家音樂會摎淰淰地方特色个客家市集。其中，音樂會用「伯公祭儀」做開場，這種儀式係客家文化肚對土地公个尊崇，乜代表對自然天地个感恩。另外一隻當大个特點係「賞桐輕旅」活動，參加个人會有機會順等荖寮坑步道，欣賞一路个桐花美景。這條路線毋單淨靚，還包含豐富个歷史文化，分大家在享受自然風光个時節，乜做得了解這遍土地个故事。

新竹縣个桐花當當開，今年桐花祭摎新埔在地人、文、地、景相連，用「客家寮」裝置設計一系列在地體驗，體驗在地生態教育、客家藝文、客家文創、客家農食摎桐花旅行等等，呈現新竹縣客庄多元豐富人文， 5月3號到5月4號又用迎花、尋花、花聚還過花果四大主題，規劃新竹遶桐花---「來巨埔寮打鬥四」茶香文學旅行，除了做得參加豐富个藝文活動以外，還用特色在地體驗帶等民眾探討在地人文摎桐花互相結合个桐花祭典。

-------------------------------------

【華語版】

每年四、五月是桐花盛開的季節，新竹縣桐花祭系列活動也於今(26)日正式展開，客家委員會副主任委員邱星崴上午前往新埔鎮巨埔農場，與新竹縣長楊文科等共同參與啟動儀式，邱副主委表示，客委會從2002年開始舉辦桐花祭活動，今年補助新竹縣政府近160萬元，展現對桐花祭的重視。

邱副主委提到，桐花現已成為客家花，帶出了客家人的美感，客委會建置桐花IOT監測系統，只要到網站上就可以看到全台各地桐花開花情形；也推出各種路線的桐花小旅行，供大家行行尞尞；近日還舉辦「全民報桐花」線上活動，邀請大家主動回報花況；感謝縣府辦理活動的用心，期盼中央與地方共同努力，延續客家文化精神。

邱副主委並鼓勵今日於活動演出的新埔鎮文山國小八音班學童，邱副主委說，八音是數百年前流傳下來，我們的祖先用來表達情感的方式，現代人想要抒發情感可能透過網路，而前人是使用這些八音樂器傳達全庄人的心情，所以八音班小朋友正在做的事情很重要，希望大家可以透過八音演奏穿越時空，感受到阿公婆的心情。

客委會補助基隆市政府辦理的基隆桐花祭今（26）日也在暖東苗圃正式揭幕，客委會副主任委員范佐銘出席開幕活動時表示，一年一度的基隆桐花祭以「敬伯公」祭儀客家八音演奏開場，由於桐花樹早期是經濟作物，透過祭拜山林、土地與伯公，展現客家人對山林的感恩之心與對大自然的敬意，也承蒙基隆市客委會和民政處共同舉辦活動，現場不僅有藍染DIY體驗與客家好食特色美食，還有桐花小旅行，希望來參與的民眾能看到基隆的美景與客庄的人文風情。

今年基隆桐花祭活動精彩紛呈，包括客語接龍闖關、溫馨的客家音樂會及充滿地方特色的客家市集。其中，音樂會以「伯公祭儀」為開場，這一儀式是客家文化中對土地公的尊崇，象徵著對自然天地的感恩。另一大亮點是「賞桐輕旅」活動，參與者將有機會沿著荖寮坑步道，欣賞沿途的桐花美景。這條路線不僅美麗，還蘊含著豐富的歷史文化，讓人們在享受自然風光的同時，也能了解這片土地的故事。

新竹縣桐花正盛開，今年桐花祭與新埔在地人、文、地、景串連，以「客家寮」裝置設計一系列在地體驗，體驗在地生態教育、客家藝文、客家文創、客家農食及桐花行旅等，展現新竹縣客庄多元豐富人文， 5月3日至5月4日並以迎花、尋花、花聚及花果四大主題，規劃了新竹遶桐花-「來巨埔寮打鬥敘」茶香文學行旅，除可參與豐富的藝文活動外，並以特色在地體驗帶領民眾探索在地人文與桐花交織出桐花祭典。