【客語版】

       客家委員會主任委員古秀妃7號去到苗栗縣銅鑼鄉臺灣客家文化館，參加「114年度客語家庭表揚典禮」北區場次，古主委表示，客語係當重要个資產，鼓勵大家在屋下多摎細人仔講客，創造講客話个環境，用自家个力量來推動客語永久傳承。

       古主委致詞時節指出，因為當多爺哀在屋下無講客，嗄造成這下推動屋下講客變成困難，毋過學習客話好處當多，語言个養分對細人仔未來个成長發展乜有幫助。  

       古主委進一步提著，今年通過客語認證摎客語家庭个人員做得領到客委會下半年推動發行个1,000個銀數位客家幣，未來去「𠊎講客」商店消費乜請大家用客話摎店頭家對話，佢回憶30年前去商店買東西講客話都係當自然个事情，希望大家共下摎客話對屋下推行到日常生活當中。

       客委會對97年推動「客語家庭」表揚以來，全國既經超過4,400戶家庭接受表揚，客語在家庭、社區還過歸隻社會續等釘根返生。為著繼續鼓勵民眾摎客話摻入家庭日常，加強母語傳承个支持基礎並認同這兜家庭對傳承客語个貢獻，接等5月17號在屏東六堆客家文化園區辦完工个南區場次表揚典禮，今晡日在苗栗臺灣客家文化館隆重舉辦「114年度客語家庭表揚典禮」北區場次，114年總共有187戶家庭、偎600位家庭人員得著表揚，佢兜來自全國無共樣个地區、互相个背景乜無共樣，毋過嗄共樣選擇用自家个母語—客家語，陪等下一代成長，分客話毋單淨係語言，加勝係家庭个情感連結摎文化記憶。

       為著獎勵這兜家庭在生活中煞猛實踐「用客語做日常語言」个理念，客委會下半年就愛發行个客家幣，會摎恁多年來得著表揚个客語家庭人員放落獎勵个對象之一，逐儕都做得領著1,000個銀數位幣，下後去客家幣合作个「𠊎講客」商店，無論係市場買菜、巷口食冰、買零嗒甚至出去尞，都做得繼續用客話進行交談，分客話對家庭連接到社區。

       今晡日个表揚典禮乜安排客家慶典活動儀式象徵个八音團熱鬧開幕，並由識得著客語家庭表揚个愛客樂iColor樂團主唱邱廉欽先生摎屋下人帶來活動力淰淰个表演，為得著表揚个家庭呈獻音樂祝福；兩公婆樂團摎大獅兄家族人偶劇團斯帶來活潑生趣个表演，增添現場熱鬧氣氛，典禮四圍設有遊戲區摎親子同樂攤位，提供家庭人員在遊戲中自然講客，透過生活學習摎親子互動設計接近日常情景，分語言摻落歡樂摎做伴个生活微毛末節裡肚。

-------------------------------------

【華語版】

      客家委員會主任委員古秀妃今（7）日前往苗栗縣銅鑼鄉臺灣客家文化館，參加「114年度客語家庭表揚典禮」北區場次，古主委表示，客語是很重要的資產，鼓勵大家在屋下多多和細人仔講客，創造客語使用環境，用自己的力量推動客語永續傳承。

       古主委致詞時指出，由於許多父母在家裡不講客，而使得現在推動屋下講客變得困難，但學習客語好處多多，語言的養分對細人仔未來的成長發展也有助益。

       古主委進一步提到，今年通過客語認證及客語家庭的成員將可以領到客委會下半年推動發行的1,000元數位客家幣，未來到「𠊎講客」店家消費也請大家用客語與店家對話，她回憶30年前到商店買東西講客語都是很自然的事情，期盼大家共下將客語從屋下推展至日常生活各個層面。

       客委會自97年推動「客語家庭」表揚以來，全國已超過4,400戶家庭接受表揚，客語在家庭、社區以及整體社會持續扎根復甦。為持續鼓勵民眾將客語融入家庭日常，深化母語傳承的支撐基礎並肯定這些家庭對於傳承客語的貢獻，繼5月17日在屏東六堆客家文化園區辦竣南區場次表揚典禮，今日在苗栗臺灣客家文化館隆重舉辦「114年度客語家庭表揚典禮」北區場次，114年共有187戶家庭、近600位家庭成員獲得表揚，他們來自全國不同地區、彼此背景各異，但卻共同選擇以自己的母語—客家話，陪伴下一代成長，讓客語不只是語言，更成為家庭的情感連結與文化記憶。

       為獎勵這些家庭在生活中不懈地實踐「以客語為日常語言」的理念，客委會下半年即將發行的客家幣，便將歷年獲表揚的客語家庭成員納入獎勵的對象之一，每人皆能領取1,000元數位幣，後續到客家幣合作的「𠊎講客」店家，不論是市場買菜、巷口吃冰、買零食乃至於出遊，都能夠持續用客語進行交談，讓客語從家庭鏈結到社區。 

       今日的表揚典禮也安排客家慶典活動儀式象徵的八音團熱鬧揭開序幕，並由曾獲客語家庭表揚的愛客樂iColor樂團主唱邱廉欽老師與家人帶來活力滿滿的演出，為獲表揚的家庭獻上音樂祝福；兩公婆樂團與大獅兄家族人偶劇團則帶來活潑有趣的演出，增添現場熱鬧氣氛，典禮周邊設有遊戲區及親子同樂攤位，提供家庭成員在遊戲中自然說客語，透過生活學習與親子互動設計貼近日常情境，讓語言融入歡樂與陪伴的生活點滴。