【客語版】

為著推廣全臺客庄遊覽，客家委員會今（12）號在市長公館个藝文沙龍舉行「2024客庄遊程競賽」頒獎典禮。由客委會副主任委員范佐銘代表主任委員古秀妃頒發獎勵過承蒙評審摎參加比賽个團隊，還歡迎全國朋友來到客庄遶尞，收集台三線、六堆摎台九線無共樣个特色，乜希望外國朋友做得認識台灣多元族群文化生活，推動觀光人潮行落客庄，推動經濟產業摎文化个繁榮興旺。

范副主委指出，這擺客庄遊程競賽係客委會第一擺創辦个活動，這位遴選出31組得獎團隊，總計先前既經合作地方个客庄細旅行遊覽路程，目前全臺既經達到60條遊程，分大家有還較多機會接觸客庄文化。除了今晡日頒布个名次獎金以外，為著鼓勵得獎旅行業者續等推行客庄遊覽，在期限前總計百人出團个前3家旅行社，就做得再過得著10萬个銀。

客委會第一擺用競賽方式鼓勵合法旅行業者摎客庄團體開發新个遊覽路程，用「國外來台旅遊組」、「國內旅遊組」過「國內體驗組」3大種類競賽，總共有31條遊覽路程對75條裡肚超越出來。競賽評審代表委員拾已寰教授提著，有兜得獎團隊還表現出創造力摎兼顧長久發展个計劃力，尤其係融入淨零排放、碳足跡這兜觀念，對未來發展有當大个可能性。感謝客委會願意支持，幫助台灣旅行產業繼續向前。

得獎个遊覽路程範圍分布在台三線、六堆、台九線這兜客庄區域，總共9隻縣市、35隻鄉鎮，全部都有無共樣个文化發展，包含適合一日遊个桃園新屋海客牽罟摎覓蜆趣味；適合週休二日行讀个百年穿龍古圳摎國家級綠道「樟之細路」，無斯去屏東五溝水欣賞客庄伙房个靚；三日遊就做得隨意行在花蓮鳳林探訪全臺最完整个菸樓莊頭，了解客家移民摎菸葉歷史等等。

今晡日表演个「黃子軒與山平快」樂團主唱黃子軒還較興蹀蹀仔講佢創作〈樟之細路〉歌曲時節心肝肚思考个過程，毋單淨用鳥仔叫做樣本入歌，乜推薦大家到山林肚行行仔、了解來往原客个產業道路歷史，還做得治療人心。歡迎全國鄉親邀請親朋好友來一輪客庄細旅行，放慢腳步享受客庄靚靚个風景、當地个好味緒摎好客精神。還較多得獎个遊覽內容做得去「客庄小旅行」網站 查詢。

-------------------------------------

【華語版】

為推廣全台客庄旅遊，客家委員會今（12）日於市長官邸藝文沙龍舉行「2024客庄遊程競賽」頒獎典禮。由客委會副主任委員范佐銘代表主任委員古秀妃頒贈獎勵並致謝評審及參賽團隊，更歡迎全國朋友來到客庄遶尞，蒐集台三線、六堆及台九線的不同特色，也期盼國外朋友能認識台灣多元族群文化生活，推動觀光人潮走入客庄，帶動經濟產業與文化蓬勃發展。

范副主委指出，本次客庄遊程競賽為客委會第一次的創舉，所遴選出31組獲獎團隊，合計先前已合作地方的客庄小旅行遊程，目前全台已達60條遊程，讓大家有更多機會接觸客庄文化。除今日頒贈的名次獎金外，為激勵獲獎旅行業者續推客庄旅遊，於期限前累計百人出團之前3家旅行社，即可再獲得10萬元。

客委會首以競賽方式鼓勵合法旅行業者及客庄團體開創新遊程，以「國外來台旅遊組」、「國內旅遊組」及「國內體驗組」3大類別競賽，共有31條遊程從75條中脫穎而出。競賽評審代表委員拾已寰教授提及，有獲獎團隊展現出創意兼顧永續的企劃力，尤其是融入淨零排放、碳足跡等理念，具高度前瞻性。感謝客委會願意支持，協助台灣旅遊產業繼續往前。

獲獎遊程範圍遍及台三線、六堆、台九線客庄區域，共計9個縣市、35個鄉鎮，皆有不同文化發展，包含適合一日遊的桃園新屋海客牽罟與摸蛤蜊趣；適合週休二日走讀的百年穿龍古圳及國家級綠道「樟之細路」，或至屏東五溝水欣賞客庄夥房之美；三日遊則可漫步花蓮鳳林探訪全台最完整菸樓聚落，了解客家移民與菸葉歷史等。

今日演出的「黃子軒與山平快」樂團主唱黃子軒更侃侃而談創作〈樟之細路〉歌曲時的心路歷程，不只取樣鳥鳴入歌，也推薦大家到山林間走走、了解過往原客的產業道路史，還能療癒人心。歡迎全國鄉親邀請親朋好友來趟客庄小旅行，放慢腳步享受客家庄的美麗景緻、在地好味緒及好客精神。更多獲獎遊程內容可至「客庄小旅行」網站 查詢。