【客語版】

「幼幼客語闖通關」多梯次認證－臺中場，27號在臺中市立東勢幼兒園登場，總共有139位小朋友報名參加，客家委員會副主任委員范佐銘親身到場關心小朋友參加个情形，為闖關个小朋友加油打氣，也鼓勵阿爸阿姆愛多同細人仔講客，使致客話做得自細探根。

看著家長帶等細人仔來「幼幼客語闖通關」，范副主委表示，細人仔在遊戲過程學習客話，毋單淨做得認識新事物，也做得自然个來講客，分學習客話變做係一件生趣个事情，蓋感謝臺中市政府客家事務委員會共下同中央相幫相扌帣來推動客家語言文化，分客話做得持續傳承。

多梯次幼幼客語闖通關認證，每一個關卡係細人仔來操作遊具，還過同檢定人員用客語對話互動，完成闖5關个小朋友，做得去實體體驗區，實際操作大型遊玩具，會得著參加證書同精美獎勵品各1份，來毋掣事先報名認證个小朋友，也做得去一般兒童專區、翕相打卡區等位所搞。該日在現場還有「美東農莊豆腐乳DIY 」、「新丁粄盎仔泥創作」、「童玩時光－極樂仔彩繪」等攤仔，分大人細子緊搞緊學客話。

為著分學齡前个細人仔還有對客話較生份个大小朋友，都體會得著客話學習个趣味，客委會今（113）年同地方政府合作辦理「幼幼客語闖通關認證」，用「幼幼講客列車」个方式，駛到各縣市去，包含新北市、桃園市、新竹市、新竹縣、苗栗縣、臺中市、南投縣、雲林縣、嘉義市、臺南市、高雄市、花蓮縣同屏東縣等13個縣市參加，對113年6月29號起勢，既經辦理吔臺南市、新北市、苗栗縣等3場次，尾下會照各縣市時間辦理多梯次認證，歡迎大家共下來「搞遊戲，學客話」。

-------------------------------------

【華語版】

「幼幼客語闖通關」多梯次認證－臺中場，今（27）日於臺中市立東勢幼兒園登場，共計139位小朋友報名參加，客家委員會副主任委員范佐銘親自到場關心小朋友的參與情形，也為闖關的小朋友們加油打氣，並鼓勵阿爸阿姆多跟細人仔講客，讓客語可以從小向下扎根。

看見家長帶著孩子來「幼幼客語闖通關」，范副主委表示，細人仔在遊戲過程中學習客語，不僅可以認識新事物，也可以自然地講客，讓學習客語變成是一件有趣的事情，非常感謝臺中市政府客家事務委員會共下與中央攜手推動客家語言文化，讓客語能持續傳承。

多梯次幼幼客語闖通關認證，每個關卡由幼兒操作遊具，並與檢定人員以客語對話互動，完成闖5關的小朋友，可以到實體體驗區，實際操作大型遊玩具，並獲得參加證書及精美獎勵品各1份，來不及事先報名認證的小朋友，也可以到一般兒童專區、拍照打卡區等遊玩。今日現場還有「美東農莊豆腐乳DIY 」、「新丁粄黏土創作」、「童玩時光－陀螺彩繪」等攤位，讓親子可以邊玩邊學客語。

為讓學齡前幼兒及對客語較陌生的大小朋友們，都能體會客語學習的樂趣，客委會今（113）年與地方政府合作推辦「幼幼客語闖通關認證」，以「幼幼講客列車」方式，開往各縣市，包含新北市、桃園市、新竹市、新竹縣、苗栗縣、臺中市、南投縣、雲林縣、嘉義市、臺南市、高雄市、花蓮縣及屏東縣等13縣市參與，自113年6月29日起，已辦理臺南市、新北市、苗栗縣等3場次，後續將依各縣市時間辦理多梯次認證，歡迎大家共下前來「玩遊戲，學客語」。