六堆客語手腳動作詞探討


年度:100年

作者:曾秋梅

畢業學校:國立屏東教育大學

畢業系所:文化創意產業學系

畢業年月:100.7

獎助金額(萬元):4

六堆客家先民大概對清朝康熙年間大量遷徙來到臺灣,這中間受著日本統治,該當時日本政府實施「皇民化運動」,要求臺灣百姓愛講日本話;接下來國民政府來臺,母語个生機大部分在政府戒嚴時代受著嚴重个斲傷,華語个強勢同優勢,造成客家、原住民族群所使用个語言,發生斷層會到消失个危機。

語言同文化做得講係「唇齒相依」,語言一旦消失,文化个精華部份也就難以保存。再過講,每一種語言都有厥特殊價值、特殊个現象,毋係其他語言所能取代个,只能透過文字記錄,去了解佢等過去个歷史同生活經驗,將這種珍貴个文化資產留分後代子孫。

在客家話裡肚表示動作个詞彙盡多,對第三章動作詞用「字」个語音字義求證个結果,知得有兜動作語義講起來接近又有息把無相同个類義詞,因爭動作使力輕重、方向、受力點、對象等這兜關係,客家話來講有無共樣个講法同用字,但這兜相近个動作用華語盡難詳細表達同說明。

關鍵字:客語、動作詞、六堆